საგანმანათლებლო ტექნოლოგიები - ციფრული რესურსების პორტალი

მოგესალმებით, ამ ვიდეო გაკვეთილით მინდა წარმოგიდგინოთ კომპანია google-ს ორი საინტერესო პროდუქტი, კერძოდ google+ და hangouts. უნდა ითქვას, რომ დღევანდელ დღეს ადამიანებს შორის ურთიერთობა იძენს სულ ახალ და ახალ ფორმას და ამ ყველაფერში უდიდესი ადგილი უკავია საინფორმაციო ტექნოლოგიებს - დაწყებული ჩვეულებრივი ელექტრონულ ფოსტით და დამთავრებული პირდაპირი ვიდეო კავშირებით, საქმის ასეთმა ვითარებამ სადღაც გაამარტივა, სადღაც კი საერთოდ შესაძლებელი გახადა ადამიანების პირდაპირი კავშირი, განსაკუთრებით ეს შეეხება მათ ვინც იმყოფებიან ერთმანეთისაგან ძალიან შორს და აი კომპანია google–მა გადაწყვიტა ეჩუქებინა მსოფლიოსთვის პრინციპულად ახალი სოციალური ქსელი, აქ ყველაფერი სხვანაირადაა, მაგრამ რაღაც ნაცნობის გრძნობა მაინც დაგეუფლებათ. google+ როგორც აღინიშნა არის სოციალური ქსელი კომპანია google-სგან, სერვისი წარმოგვიდგენს საშუალებას ურთერთობა გვქონდეს ინტერნეტით სხვადასხვა სპეციალური კომპონენტების საშუალებით, ესენია: წრეები, კოლექციები, საზოგადოება. პროგრამას გააჩნია მობილური ვერსიაც. Hangouts ეს არის პროგრამული უზრუნველყოფა შეტყობინებების სწრაფი გაცვლისა და ვიდეო კონფერენციებისათვის, ეს პროდუქტი წარმოდგენილია როგორც დამოუკიდებელი საიტი, ინტეგრირებულია ელექტრონული ფოსტის სერვისში და ასევე არსებობს მისი მობილური ვერსიაც. შემდგომ ვიდეო გაკვეთილში ძალიან მოკლედ განვიხილოთ google–ს ამ პროდუქტების წარმოშობის და განვითარების ისტორია, მადლობა ყურადღებისათვის, გისურვებთ წარმატებებს.