საგანმანათლებლო ტექნოლოგიები - ციფრული რესურსების პორტალი

იმისათვის, რომ გავხდეთ google+-ის მომხმარებელი, პირველ რიგში, რა თქმა უნდა, საჭიროა გავიაროთ რეგისტრაცია. აღნიშნული პროცესი დამახასიათებელია ნებისმიერი სოციალური ქსელისათვის. რეგისტრაციის პროცესი განხილული იქნება შემდეგ ვიდეო გაკვეთილში, თუმცა google+ არ საჭიროებს სპეციალურად ცალკე რეგისტრაციას ვინაიდან იგი წარმოადგენს კომპანია google-ს საკუთრებას და კომპანიის პოლიტიკის შესაბამისად ყველა პროდუქტისათვის მოქმედებს ერთიანი რეგისტრაცია, ეს იმას ნიშნავს, რომ თუ თქვენ დარეგისტრირებული ხართ gmail-ის ელექტრონული ფოსტის მომხმარებლად, ამავე სარეგისტრაციო მონაცემებით, შეგიძლიათ ისარგებლოთ google+-ით. Google+-ზე შესასვლელად შეგვიძლია ავკრიფოთ საიტის მისამართი plus.google.com და დავაწკაპუნოთ ღილაკზე sign in (შესვლა), შემდგომ შეგვყავს საკუთარი, უკვე არსებული google-ს სარეგისტრაციო მონაცემები, ვაწკაპუნებთ ღილაკზე next (შემდეგი), ვუთითებთ პაროლს და ღილაკზე sign in (შესვლა) დაწკაპუნებით შევდივართ სოციალურ ქსელში, იმ შემთხვაში თუ კომპიუტერით სარგებლობთ მხოლოდ თქვენ, ან შექმნილი გაქვთ თქვენი მომხმარებელი, მიზანშეწონილი იქნებოდა შესვლა განვახორციელოთ არა კონკრეტულ პროდუქტში, არამედ ბრაუზერში, ამის შემდეგ ჩვენთვის google-ს ყველა პროდუქტი, რომლითაც გადავწყვეტთ ვისარგებლოთ აღარ მოგვთხოვს სარეგისტრაციო მონაცემების შეყვანას, იგი მას მიიღებს ავტომატურად ბრაუზერისგან, თუმცა გაითვალისწინეთ რომ ამ შემთხვევაში თქვენი ინფორმაცია ასევე მარტივადაა ხელმისაწვდომი ნებისმიერი მომხმარებლისათვის, რომელსაც ექნება წვდომა თქვენს კომპიუტერზე, ამიტომ ბრაუზერში შესვლა განახორციელეთ მხოლოდ თქვენს პერსონალურ საკუთრებაში არსებულ, პაროლით დაცულ კომპიუტერში, ტელეფონით სარგებლობის შემთხვევაში სასურველი იქნება თუ თქვენს ექაუნთს (სააღრიცხვო მონაცემებს) დაამატებთ ტელეფონის პარამეტრებში. აღნიშნული მოგცემთ საშუალებას სწრაფად შეხვიდეთ სოციალურ ქსელში ყოველ ჯერზე სარეგისტრაციო მონაცემების მითითების გარეშე.