საგანმანათლებლო ტექნოლოგიები - ციფრული რესურსების პორტალი

წრეები წარმოადგენს google+-ის ერთ–ერთ ძირითად განმასხვავებელს სხვა სოციალური ქსელებისაგან. მომხმარებლები შეგვიძლია გავანაწილოთ სხვადასხვა წრეში. გარდა იმისა, რომ ამ გზით ხდება ხელმოწერების კლასიფიკაცია სოციალური კავშირების მიხედვით, ასევე შეგვიძლია მოვახდინოთ ჩვენს მიერ გამოქვეყნებული ინფორმაციის კონკრეტული ადამიანებისათვის და არა ყველსათვის გაზიარება, რადგან მაგალითად, ჩვენს მიერ გამოქვეყნებული ინფორმაცია შეიძლება საინტერესო იყოს თანამშრომლებისათვის, მაგრამ აბსოლუტურად უინტერესო ოჯახის წევრებისათვის ან მეგობრებისათვის. მომხმარებლების წრეებში გასანაწილებლად გადავიდეთ ჩანართზე following, ნაგულისხმევად, როგორც წარწერა გვიჩვენებს, მომხმარებელი გაწევრიანებულია ჯგუფში following (ხელმოწერები), სხვა ჯგუფში გასაწევრიანებლად დავაწკაპუნოთ კონკრეტული მომხმარებლის ბლოკში მდებარე აღნიშნულ ღილაკზე და გამოსულ ფანჯარაში ავირჩიოთ სოციალური კავშირის სახეობა, მაგალითად მეგობარი, ამ შემთხვევაში იგი დარჩება ჯგუფში following (ხელმოწერები) და დამატებით გაწევრიანდება ჯგუფში მეგობრები, თუ გვსურს მისი მხოლოდ მეგობრების ჯგუფში გაწევრიანება - გამოვრთოთ ღილაკი ძველ ჯგუფზე და დავტოვოთ მხოლოდ მეგობრებზე, დავაწკაპუნოთ ღილაკზე done (შესრულება) და ოპერაცია დასრულებულია, ანუ აღნიშნული მომხმარებელი გაწევრიანებულია შესაბამის ჯგუფში. როგორც აღინიშნა ერთი მომხმარებელი შესაძლებელია გავაწევრიანოთ ერთზე მეტ ჯგუფში, მიაქციეთ ყურადღება - თუ მომხმარებელი გაწევრიანებულია მხოლოდ ერთ ჯგუფში მის ქვეშ მითითებულია აღნიშნული ჯგუფის დასახელება, თუ რამდენიმეშია - ეთითება რამდენ ჯგუფშია იგი გაწევრიანებული. სტანდარტულ ჯგუფებზე დამატებით შესაძლებელია შევქმნათ ჩვენთვის სასურველი ჯგუფები და გავაწევრიანოთ მომხმარებლები მათში, ამისათვის ვაწკაპუნებთ ღილაკზე new circle (ახალი წრე), გამოსულ ფანჯარაში ვარქმევთ ჯგუფს სახელს და ვაწკაპუნებთ ღილაკზე create (შექმნა), ჯგუფი შექმნილია და მომხმარებლების გაწევრიანება მასში შესაძლებელია ზემოთ აღნიშნული მეთოდით, ამის შემდეგ გვეძლევა საშუალება გავუზიაროთ პოსტები როგორც ყველა მომხმარებელს, ასევე კონკრეტულ, ჩვენს მიერ შექმნილ ჯგუფებს, წრეებს, რომელთათვისაც ეს ინფორმაცია შეიძლება ინტერესის საგანს წარმოადგენდეს. მადლობა ყურადღებისათვის.