საგანმანათლებლო ტექნოლოგიები - ციფრული რესურსების პორტალი

ვიდეო კურსის დასაწყისში, როდესაც განვიხილავდით google+–ის შესაძლებლობებს, ვახსენეთ მასში კოლექციებისა და საზოგადოებების შექმნის შესაძლებლობის შესახებ. აღნიშნულ ვიდეო გაკვეთილში დეტალურად განვიხილოთ რა არის კოლექცია, როგორ შეგვიძლია შევქმნათ და გამოვიყენოთ იგი, ასევე განვიხილოთ მასთან დაკავშირებული ყველა ასპექტი. მაშ ასე, კოლექციები განლაგებულია მარცხენა მხარეს განლაგებული ძირითადი ელემენტების პანელის შესაბამის ჩანართში collections და იგი, როგორც სახელი მიგვითითებს, წარმოადგენს ჩვენს მიერ შექმნილი მასალების, პოსტების ორგანიზების საშუალებას, კერძოდ კოლექციების საშუალებით შესაძლებელია მოვახდინოთ ერთ განსაზღვრულ თემაზე შექმნილი პოსტების ორგანიზება ისე, რომ ხელმომწერებს საშუალება ჰქონდეთ აირჩიონ როგორი ტიპის პოსტების ნახვა სურთ მათ ჩვენგან. მაგალითად შესაძლებელია შევქმნათ ცალკეული კოლექცია ფოტოგრაფიებისათვის, გაკვეთილებისათვის, საგანმანათლებლო სფეროში არსებული სიახლეებისათვის და ასე შემდეგ, ესევე შესაძლებელია შევქმნათ კოლექციები პირადი ფოტოგრაფიებისა და განცხადებებისათვის, რომელთა ნახვის საშუალებაც ექნება მხოლოდ განსაზღვრულ წრეს. კოლექციის შექმნისას ჩვენ შეგვიძლია: ავირჩიოთ ის ადამიანები ვისაც მივცემთ უფლებას ნახოს კოლექცია, განვსაზღვროთ პირები რომლებიც არიან ჩვენი ხელმომწერები ავტომატურად ეწერებიან თუ არა კოლექციაზეც, ვნახოთ ვინ გამოიწერა ჩვენი კოლექცია, განვათავსოთ პოსტი კოლექციაში, განვსაზღვროთ თუ როგორ გამოიყურება კოლექცია ჩვენს გვერდზე და ბოლოს წავშალოთ ჩვენი კოლექცია, როდესაც მომხმარებელს გამოწერილი აქვს კოლექცია მას რა თქმა უნდა შეუძლია იხილოს მასში არსებული მასალები თავის სიახლეების ლენტზე, შეაფასოს პოსტები +1–ით, გააკეთოს კომენტარი და გააზიაროს იგი. მას ასევე აქვს საშუალება გააუქმოს გამოწერა თქვენს კოლექციაზე ნებისმიერ დროს, როდესაც თქვენ იწერთ კოლექციას შესაძლებლობა გაქვთ იხილოთ იგი თქვენს სიახლეების ლენტზე, აირჩიოთ მიიღოთ თუ არა შეტყობინებები ამ კოლექციის შესახებ და ასევე გააუქმოთ ხელმოწერა მასზე ნებისმიერ დროს. შემდეგ ვიდეო გაკვეთილში განვიხილოთ კოლექციის შექმნა.