საგანმანათლებლო ტექნოლოგიები - ციფრული რესურსების პორტალი

ამ ვიდეო გაკვეთილში განვიხილოთ თუ როგორ დავარედაქტიროთ ან წავშალოთ კოლექცია. გადავიდეთ კოლექციების ჩანართში და ავირჩიოთ დასარედაქტირებელი კოლექცია, დავაწკაპუნოთ რედაქტირების ღილაკზე და გამოსულ ფანჯარაში ავირჩიოთ კოლექციის რედაქტირება. გავიხსენოთ, აღნიშნული ფანჯარა განხილული გვაქვს პოსტის შექმნისას, აქ შეგვიძლია შევცვალოთ ყველა პარამეტრი: კოლექციის დასახელება, აღწერილობა, ფერი, ასევე ფუნქცია - ავტომატურად ხდებიან თუ არა ჩვენს წრეებში არსებული მომხმარებლები კოლექციის ხელმომწერები, თუმცა გაითვალისწინეთ არ გვაქვს უფლება შევცვალოთ წვდომა კოლექციაზე. მონაცემების შესანახად ვაწკაპუნებთ ღილაკზე save (შენახვა), ხოლო გაუქმებისათვის x სიმბოლოზე. შემდეგი პუნქტი რედაქტირების მენიუში - collection followers წარმოგვიდგენს იმ ადამიანებს, ვინც ამ კონკრეტული კოლექციის ხელმომწერებს წარმოადგენენ. კოლექციის წასაშლელად უნდა შევიდეთ რედაქტირების მენიუში და ავირჩიოთ პუნქტი delete collection (კოლექციის წაშლა), გამოსული ფანჯარა გვატყობინებს, რომ კოლექციის წაშლის პროცესი არის შეუქცევადი, ანუ მისი აღდგენა შეუძლებელია და ასევე გვატყობინებს, რომ კოლექციის წაშლასთან ერთად იშლება ყველა პოსტიც, რომელიც განთავსებულია მასში. წაშლის ოპერაციის გასაგრძელებლად აუცილებელია გავაკეთოთ აღნიშვნა, რომ გავეცანით შეტყობინებას, კერძოდ დავაწკაპუნოთ ჩეკბოქსზე. წაშლის ღილაკი უკვე აქტიური გახდა, ოპერაციის დასასრულებლად საჭიროა დავაწკაპუნოთ მასზე, ხოლო თუ გვსურს გაუქმება – ღილაკზე keep.