საგანმანათლებლო ტექნოლოგიები - ციფრული რესურსების პორტალი

მოგესალმებით, ოპერაციული სისტემა Windows 10 ეს არის 1985 წლის 20 ნოემბერს შექმნილი ოპერაციული სისტემა Windows-ის თანამედროვე ვერსია. ამ ოპერაციული სისტემით დღესდღეობით აღჭურვილია მსოფლიოში არსებული კომპიუტერების არანაკლებ 80 პროცენტი. მას აკრიტიკებენ, ლანძღავენ, იგონებენ უამრავ ანეგდოტს მის შესახებ, თუმცა გამოსვლისთანავე დაიტაცებენ და იყენებენ ძალიან აქტიურად და ინტენსიურად, იგი წარმოადგენს MacOS, Android და Linux ოპერაციული სისტემების კონკურენტს. ჩვენს საგანმანათლებლო პორტალზე უკვე განხილულია მისი წინამორბედი ოპერაციული სისტემება Windows 8.1, ამიტომ ამ ვიდო გაკვეთილში ძალიან მოკლედ იქნება განხილული ის შესაძლებლობები, რომლებიც საერთოა ყველა ამ ოპერაციული სისტემისათვის, აქცენტი გაკეთდება სიახლეებზე და ასევე იმ შესაძლებლობებზე, რომლებიც მართალია შეიძლება საერთო იყოს წინამორბედი ოპერაციული სისტემებისათვისაც, მაგრამ არ იქნა განხილული წინა ვიდეო გაკვეთილებში. რა არის ახალი ოპერაციული სისტემის ძირითადი მახასიათებელი: უნივერსალურობა - ეს ოპერაციული სისტემა შეიძლება დავაყენოთ და თანაბარი წარმატებით გამოვიყენოთ პერსონალურ კომპიუტერებზე, ლეპტოპებზე, ტელეფონზე, პლანშეტურ კომპიუტერზე და თქვენ წარმოიდგინეთ თანამედროვე და მოდურ, საკრედიტო ბარათის ზომის მქონე ერთპლატიან კომპიუტერზე - Raspberry Pi. გადატანითობა - შესაძლებელია რამდენიმე მოწყობილობა მივაბათ ერთ სააღრიცხვო ექაუნთს, რაც საშუალებას მოგვცემს ყველა მათგანში გამოვიყენოთ ერთიანი მისამართების წიგნი, ელფოსტა, პროგრამების პარამეტრები. ღრუბლოვანი სერვისების მხარდაჭერა - ჩვენი კომპიუტერის ნაცვლად შევინახოთ ჩვენი სურათები, დოკუმენტები, მუსიკა, ღრუბლოვან სერვისებში მაგალითად OneDrive–ში და გამოვიყენოთ ისინი ჩვენს ნებისმიერ Windows-ის ოპერაციული სისტემის მხარდაჭერის მქონე მოწყობილობაზე და ასევე Windows 10 წარმოადგენს წინა ოპერაციულ სისტემებთან შედარებით უფრო დახვეწილ, სწრაფ და მოქნილ ოპერაციულ სისტემას. მაშ ასე, შემდეგ ვიდეო გაკვეთილებში განხილული იქნება ამ შესანიშნავი ოპერაციული სისტემის მომხმარებლებისათვის საჭირო ფუნქციონალი და შესაძლებლობები. მადლობა ყურადღებისათვის, გისურვებთ წარმატებებს.