საგანმანათლებლო ტექნოლოგიები - ციფრული რესურსების პორტალი

მოგესალმებით, ჩვენს ვიდეო გაკვეთილში ვისაუბრებთ პროგრამა გუგლი დედამიწის ერთერთ ძალიან საინტერესო ინსტრუმენტზე-რომელსაც ეწოდება დროითი ხაზი. მოგეხსენებათ, დროის მსვლელობასთან ერთად დედამიწა იცვლება, ინგრევა ან ანგრევენ ძველ შენობებს და შენდება ახალები, კეთდება ახალი ხიდები, იგება გზები, იდგმება ქანდაკებები და ა.შ. კომპანია გუგლი რეგულარულად ანახლებს სურათების ბაზას. თქვენ აღმოაჩენთ, რომ ქუჩა რომელიც ეს ესაა გაკეთდა გუგლის დედამიწაზე ჯერ არ ჩანს, თუმცა რაღაც პერიოდის შემდეგ (სავარაუდოდ რამდენიმე თვის მერე) გამოჩნდება. მოხდება ძველი სურათის ახლით ჩანაცვლება. თუმცა გუგლის დედამიწას საშუალება აქვს გვანახოს ძველი ბაზის სურათებიც. და მოვახდინოთ შედარება, თუ როგორია ის დღეს და როგორ გამოიყურებოდა ის რამდენიმე წლის წინ ამისათვის საჭიროა მოვიძიოთ გარკვეული ტერიტორია, ავირჩიოთ ინსტრუმენტი Time slider (დროის ხაზი), და ვამოძრაოთ ის. მაგალითად, დავათვალიეროთ ქალაქი ლას ვეგასი. საძიებო ველში ჩავწეროთ Las vegas და ავირჩიოთ ბრანება Search. შემდეგ ავირჩიოთ ინსტრუმენტი “დროის ხაზი”. მარჯვენა ზედა კუთხეში გამოჩნდება დროში დასაბრუნებელი რბია. გადავადგილოთ რბია და გავაჩეროთ მაგალითად 1950 წელზე. დედამიწაზე შეიცვლება გამოსახულება და გამოჩნდება ლას ვეგასი ოღონდ 1950 წელს გადაღებული სურათით. როგორც ხედავთ განსხვავება საკმაოდ შთამბეჭდავია, სრულიად ცარიელი ადილზე დღეს უკვე ამერიკის ერთერთი მეგაპოლისი დგას. დროის ხაზთან აგრეთვე დაკავშირებულია გუგლი დედამიწის მომდევნო ინსტრუმენტი, რომელიც გვიჩვენებს დროის მოცემულ მონაკვეთში დედამიწის სხვადასხვა ადგილებზე დღეა თუ ღამე, როდის ამოდის და როდის ჩადის მზე და ა.შ. მაგალითად ვნახოთ ქალაქი დუბაი 20 წლის წინ. 1997 წლის 15 აპრილს, ჩვენი დროით 20 საათზე. ამისათვის, მოვძებნოთ ქალაქი დუბაი, ავირჩიოთ დროის ხაზი და შემდეგ მზის ჩასვლა-ამოსვლის ღილაკი. დროის რბია გადავწიოთ 1997 წლის დღევანდელ რიცხვზე, როგორც ხედავთ 20 წლის წინ ბევრი შენობა-ნაგებობა დუბაიში საერთოდ არ იყო და მაშინ როცა ჩვენთან საღამოა, დუბაიში უკვე ღამეა. დროის სარეგულირებელი რბიის, საშუალებით შეგვიძლია შეცვალოთ დრო და დავაკვირდეთ დროის მიხედვით მზის მოქმედების არის ცვალებადობას. მაგალითად, შეგვიძლია დავაკვირდეთ ტოკიოში მზე რომელ საათზე ჩასულა, ან აღმვოაჩინოთ, რა დროს დაღამდება იტალიაში და ასე შემდეგ. ვიდეო გაკვეთილში ჩვენ განვიხილეთ დროის ხაზის გამოყენება პროგრამა გუგლი დედამიწაში, ხოლო მომდევნო ვიდეოში გავცდებით დედამიწას და ვიმოგზაურებთ სხვა პლანეტაზე, რა თქმა უნდა ვირტუალურად. მადლობა ყურადღებისათვის.