საგანმანათლებლო ტექნოლოგიები - ციფრული რესურსების პორტალი

მოგესალმებით, ამ ვიდეოში წარმოგიდგენთ პროგრამა გუგლი დედამიწის ინსტრუმენტს- სახაზავს. სახაზავის გამოყენებით შეგვიძლია გამოვთვალოთ როგორც პირდაპირი მანძილი 2 წერტილს შორის, ასევე ტეხილის მანძილი, აგრეთვე საინტერესო რესურსი გამოგვივა თუ მოვახდენთ 2 ინსტრუმენტის- “ადგილის მონიშვნის” და “სახაზავის” ინსტრუმენტების კომბინაციას. მაშ ასე, განვიხილოთ სახაზავის ინსტრუმენტის ორივე ჩანართი კონკრეტული მაგალითის საფუძველზე. როგორც ცნობილია ქუთაისის საერთაშორისო აეროპორტიდან ხორციელდება ფრენები ევროპის სვცადასხვა ქალაქებში. ამოცანა ჩამოვაყალობოთ შემდეგნაირად: ავიღოთ 3 მიმართულება: ქუთაისი-ხარკოვი, ქუთაისი-სოფია, ქუთაისი-ლონდონი. სახაზავის ინსტრუმენტის გამოყენებით გამოვთვალოთ ამ ქალაქებს შორის მანძილი და განვსაზღვროთ, თუ რა დროს მოანდომებს თითმფრინავი ამ მარშრუტების დაფარვას, თუ წინასწარი ცნობილია თვითმფრინავის საშუალო სიჩქარე და ის შეადგენს დაახლოებით 870 კილომეტრს, მოცემული მონაცემების საფუძველზე პროგრამა ექსელში ავაგოთ ცხრილი და სვეტოვანი დიაგრამა. დავიწყოთ ყველაზე შორი რეისით, საძიებო ველში ავირჩიოთ მიმართულების განსაზღვრა და პირველ ველში ჩავწეროთ “ქუთაისის აეროპორტი” მეორეში კი “ლონდონი”. პროგრამა მოგვიძებნის ორივე წერტილს და წარმოადგენს მას რუკაზე. ამის შემდეგ ავირჩიოთ Ruler (სახაზავის) ინსტრუმენტი, შევარჩიოთ ჩვენთვის სასურველი საზომი ერთეული (ამ შემთხვევაში კილომეტრი) და დავაწკაპოთ პირველად აეროპორტზე ხოლო შემდეგ ქალაქ ლონდონზე. პროგრამა გამოითვლის მათ შორის პირდაპირ სიგრძეს და ხედავთ რომ ის შეადგენს 3332 კილომეტრს, შევინახოთ მონაცემები OK-ზე დაჭერით და ანალოგიურად გამოვთვალოთ ქუთაისი-ხარკოვის და ქუთაისი სოფიას შორის საფრენოსნო მანძილები. აქვე დავაწკაპოთ “ადგილოს მონიშვნის” ღილაკს, მივიყვანოთ ის ქუთაისის აეროპორტის მანიშნებელზე და იქ წინასწარ მოიებული მცირე ინფორმაცია შევიყვანოთ ქუთაისის აეროპორტის შესახებ, აქვე დავამატოთ მისი ფოტო.შეგახსენებთ რომ უფრო დეტალურად “ადგილის მონიშვნის” ინსტრუმენტზე ჩვენ საუბარი გვქონდა შესაბამის ვიდეო გაკვეთილში. ანალოგიურად შევიყვანოთ მონაცემები სხვა ქალაქების შესახებაც. ხოლო რაც შეეხება მონაცემების გამოთვლას და ექსელში გადატანას, ეს სხვა თემაა, და მას ჩვენს ვიდეო გაკვეთილში არ შევეხებით. ანალოგიურად შესაძლებელია სხვადასხვა ტეხილის სიგრძის გამოთვლა, ამისათვის უნდა ავირჩიოთ ხელსაწყო “სახაზავი” და გავააქტიუროთ Path (ბილიკი), აქაც ავირჩიოთ სიგრძის საზომი ერთეული და მოვიქცეთ ანალოგიურად. ამით ჩვენი გაკვეთილი დასრულებულია, გმადლობთ ყურადღებისათვის.