საგანმანათლებლო ტექნოლოგიები - ციფრული რესურსების პორტალი

მოგესალმებით, ჩვენ წინა ვიდეო გაკვეთილში გამოვთალეთ საფრენი მანილი ქუთაისის აეროპორტსა და სხვა ქალაქებს შორის, თუმცა უფრო კარგი იქნებოდა ეს ფრენა ვირტუალურადაც განგვერხორციელებინა. მაშ ასე, სწორედ ამ ვიდეოში, ჩვენ შევისწავლით პროგრამა გუგლი დედამიწის კიდევ ერთ საინტერესო ინსტრუმენტს- ფრენის სიმულატორის, რომლის მეშვეობითაც შევძლებთ ავირჩიოთ სასურველი საფრენი აპარატი და ვიფრინოთ დედამიწის ნებისმიერ წერტილში, თან ისე რომ არც ფრენის გამოცდილება დაგვჭირდება და არც თვითმფრინავის ჩამოვარდნის შეგვეშინდება. მაგალითად, ამჯერად ვიმოგზაუროთ თბილისის აეროპორტიდან სხვა მიმართულებით, ამისათვის საძიებო ველში ჩავწეროთ “თბილისის აეროპორტი” და მოვძებნოთ ის. შემდეგ შევიდეთ მენიუში Tools (ხელსაწყოები) და ავირჩიოთ Enter Flight simulation (შემოიტანე ფრენის სიმულაცია), ეკრანზე გამოდის ფანჯარა რომელშიც ვირჩევთ თვითმფრინავს, მოდით ამ ეტაპზე ზებგერითი F-16 ისგან თავი შევიკავოთ და ავირჩიოთ შედარებით მოკრძალებული პატარა 4-ადგილიანი თვითმფრინავი SR-22. აქვე ავირჩიოთ Current view (ანუ არსებული ხედი) და დავაჭიროთ Start Flight (ფრენის დაწყება), მაშ ასე ჩვენ უკვე თვითმფრინავის პილოტები ვართ, ისრებით ვარეგულირებთ სიმაღლეს, და მიმართულებას, არ შეგეშინდეთ თუ პირველ ჯერზე კარგად არ გამოგივათ და მოულოდნელად მიწაზე აღმოჩნდებით, რეალობისაგან განსხვავებით პროგრამაში შეგიძლიათ კიდევ სცადოთ მრავალჯერ. როცა ამ თვითმფრინავის მართვას მივეჩვევით, შემდეგ შეგვიძლია უფრო სწრაფი F-16 საც მოვსინჯოთ. გისურვებთ წარმატებებს. მადლობა ყურადღებისათვის.