საგანმანათლებლო ტექნოლოგიები - ციფრული რესურსების პორტალი

2. 1.1 ინტერფეისის გაქართულება ამ ვიდეოგაკვეთილის ნახვის შემდეგ თქვენ შეძლებთ გუგლის დისკის ინეტერფეისის გაქართულებას. ანუ მიუხედავად იმისა თუ რა ენაზეა თქვენი დისკის ინტერფეისი იქნება ეს ინგლისური თუ რუსული, ვიდეოში მოცემული ინსტრუქციების გავლის შემდეგ თქვენ გექნებათ ქართული ინტერფეისი, რაც გაგიადვილებთ შემდეგ ვიდეოებში მოცემული ინსტრუქციების გაგებას და აღქმას.

სანამ ვიდეოს ნახვას გააგრძელებდეთ, გთხოვთ მოიფიქროთ, როგორ დაეხმარება ქართული ინტერფეისი თქვენს მოსწავლეებს ტესტის სწორად აღქმაში

დააკვირდით ნიმუშს თუ რისი გაკეთება მინდა. ეს არის გუგლის დისკის ვებგვერდი სადაც ინსტრუმენტების წარწერები არის ქართულ ენაზე

თუ თქვენი ფოსტის ინტერფეისი უკვე ქართულია, მაშინ ამ ვიდეოს ნახვა არ დაგჭირდებათ. ხოლო ინგლისური ან რუსული ინტერფეისის გასაქართულებლად გააგრძელეთ ვიდეოს ყურება

ინტერფეისის გასაქართულებლად და ახალი ტესტის შესაქმნელად გუგლის რომელიმე სერვისზე უნდა შეხვიდეთ. ალბათ ყველაზე ხშირად გუგლის ფოსტას იყენებთ, ან თუნდაც www.google.ge ვებ გვერდს. ასევე შესაძლებელია drive.google.ge მისამართის აკრეფით პირდაპირ დისკის სერვისზე გადახვიდეთ.

გუგლის გვერდიდან ან გუგლის ფოსტიდან ან დიკზე გადასასვლელად მარჯვენა ზედა კუთხეში დააჭირეთ აპლიკაციების ღილაკს. მენიუში მოძებნეთ წარწერა Drive ან დისკი. სასურველია ეს პიქტოგრამა პირველ დაფაზე იყოს განთავსებული. თუ ეს ასე არ არის, დააჭირეთ წარწერას more ან მეტი. ჩაეჭიდეთ დისკის პიქტოგრამას და თაგვის მარცხენა კლავიშიდან თითის აუღებლად გადაათრიეთ ზედა დაფაზე. ამ მოქმედების შედეგად აპლიკაციების ღილაკის ყველა შემდეგ დაჭერაზე დისკის (drive) პიქტოგრამა პირველ დაფაზე დაგხვდებათ და მოსაძებნი არ გახდება.

ამის შემდეგ დააჭირეთ დისკის (drive) პიქტოგრამას. ახლა სასურველია გუგლის ინტერფეისის ენა გადავიყვანოთ ქართულ ენაზე. გაითვალისწინეთ, შემდეგი მოქმედება გუგლის ყველა პროდუქტს ქართულ ინტერფეისზე გადაიყვანს. თუმცა გუგლის ყველა აპლიკაცია არ არის ქართულენოვანი, (ვთქვათ ბლოგერი.)

დრაივის (drive) ქართულ ენაზე გადასაყვანად დააჭირეთ მარჯვენა მხარეზე არსებული ჭანჭიკის გამოსახულებას. მიღებულ დაფაზე Setting წარწერას. მიღებულ გვერდზე Language გასწვრივ დააჭირეთ ლურჯ წარწერას Change language settings. სავარაუდოდ თქვენს ეკრანზე მსგავსი გამოსახულება უნდა იყოს: 4 Default language English რაც ნიშნავს იმას რომ ნაგულისხმევ ენად გამოყენებულია ინგლისური. თუმცა კონკრეტულ სიტუაციაში შეიძლება სხვა ენა იყოს გამოყენებული. ამას არანაირი მნიშვნელობა არ აქვს. ენის შესაცვლელად დააჭირეთ ფანქრის გამოსახულებას. მიღებულ ჩამონათვალში მოძებნეთ წარწერა ქართული. სადღაც ბოლოში იქნება ქართული შრიფტით დაწერილი სიტყვა ქართული. როცა იპოვით დააჭირეთ. რამდენიმე ხანში ინტერფეისი შეიცვლება. ამის შემდეგ შეგიძლიათ გადახვიდეთ წინა გვერდზე, ანუ დისკის საწყის გვერდზე. ამისთვის დააჭირეთ მარცხნივ მიმართულ ისარს ენა ან ბრაუზერის back ღილაკს.

ნახავთ რომ დისკის ინტერფეისი გაქართულდა.

ამრიგად ამ ვიდეოგაკვეთილში თქვენ ნახეთ დრაივის ქართულ ენაზე გადაყვანა, რომელიც როგორც აღმოჩნდა საკმაოდ ადვილია.

გირჩევთ ნახოთ ვიდეოგაკვეთილი ახალი ტესტის შექმნის შესახებ

გმადლობთ ყურადღებისათვის